Amsal Buleun Ramadhan

Manakala ta-amsalkan buleun Ramadhan adalah rumoh, nyo geutanyo ka ikeu pinto. Kajeut pike-pike ju pu sanggop sibuleun peunoh lam rumoh nyan mengikuti sigala aturan nyang berlaku? Meunyo han sanggop, bek ci-ci keutok pinto. Sebab meunyo ka teukeutok, pasti ibuka. Wate ka idalam hana patuh aturan, punah keunong takat bak malaikat. Kira-kira brat, eh ikeu pinto mantong, bek jaga-jaga silama sibuleun. Cuma nyo musem teungoh han pah. Meunyo punah sebab sijuk atau tutong ikeu pinto, bek peugah ureung po rumoh hana gaseh sayang.

Dan Ramadhan nyo laksana saboh kapai raya

nyang geupiyoh untuk geuangkot amalan tanyo mandum langsong keudeh bak haribaan Tuhan. Pakon kapai? Sebab amalan-amalan lam buleun puasa cukop raya-raya pahala jih. Miseu pahala nyan benda, han mungken labi-labi ek jiba barang-barang tronton. Man meunyo kapai, bek tapeugah barang tronton, sigo ngon tronton jiangkot, enjoy mantong iplung lam laot. Teuma ubena kekuatan kapai nyan, ube toh raya? Nyang pasti kapai Ramadhan hana sama ngon kapai Titanic, apalagi kapai Gurita. Kekuatan jih mampu menembus cakrawala tanpa hijab apa-apa. Han patah-patah jih, han nom. Jadi si Jack ngon si Ros hana mate andai jiek kapai nyo jameun.

Bagi aneuk muda, Ramadhan nyo umpamakan kekasih. Bek peusaket hate kekasih siuro nyo mantong. Singoh meunan lom, singoh nyan meunan lom. Nyo kon anjuran meucewek beh, umpama sagai. Ata aneuk muda bagah ikap meunyo tapeuget umpama nyang meube cinta-cintaan bacut.[]

***

(Teungku)