Salah Sundek

Jadi kakeuh nibak wate nyan lon ngon si Jafar meuduk ngon lako Saudah meulinte bang Leman Buya. Nyang lon meukeusud seubeutoi jih lako Saudah nyang jak bak rangkang wate kamo teungoh meuduk inan. Jadi awai kamo meulapak. Muka lako Saudah lage hana teuploh meunan. Lon hana kuteujeut tanyong sapu, seubab deuh beliau teungoh han ek geupeugah haba. Trep kamo meu-iem-iem inan bak rangkang. Si Jafar pih lage ureung teubot bule ceubeuh. Hana meugeutek meubacut pih.

"Ma pakon teuma teu-iem that awakkah? Hana galak lon duk sapat ino?" tanyong lako Saudah ngon su meudhot.

"Kon meunan, bang," jiseu-ot le si Jafar," kamo hana meutujeut mulayi peugah haba. Kadang bang teungoh hana mangat ate."

"Bek sok teupu perasaan gob," geujaweub le lako Saudah.

Lon bak peutimang perasaan berk hana mangat, kujampu bacut,"teuma pakiban keadaan droneuh jino?"

"Meudeh buno neutanyong," geujaweub le lako Saudah, meudhot cit.

"Buno kamo hana tujeut tanyong, bang. Meukalon droneuh teu-iem that," jisambong le si Jafar.

"Meunyo lon teu-iem, awakkah iem cit? Meudeh awakkah marit ju," ka kreuh su lako Saudah.

"Hai nyo keuh ka kamo mulayi," seu-ot lon.

"Keupu lom? Ka basi.

"Beh ka, Zar. Bek tamarit le. Nteuk ka salah tanyo,," ikeun le Jafar.

Lako Saudah ibeudoh lage ureung keuneuk seumeupoh,"hai, Jafar, kajaga tuto beh. Lon jak keuno kuduk sapat ngon awakkah untuk jak meutuka pikeran. Bek kajak mita karu ngon lon!"

Jafar ka susah, iseu-ot,"man so nyang ka jak mita karu, bang? Droneuh hana meupu beungeh. Kamo marit salah, kamo iem pih salah. Gura dron."

"Haba kah meu-ujong sadeup. Tuto lage ureung hana jak beut. Kapike hana muphom lon pu maksud haba kah?"

Sebab han ek le kusaba, meukubeudoh teuk lon.

"Jadi meuno, lako Saudah. Kamo duk ino buno kon hana karu-karu. Troh gata meujak peumeuhob-meuhob dro keuno. Hawa gata kiban?"

"Hai, bek neupeukreuh su, bang. Lon meunyo ka beungeh hana kuturi abang sepupu peurumoh kuh nteuk," iseu-ot lako Saudah itantang lon. BTW, Saudah nyan adek sepupu lon.

Lon seubab palak that meukutamah teuk haba,"meunyo ka meunan haba kah, ilon pih hana kujak pike le. Ka janda adoe kuh nteuk ka keuh. Adak pih jih na lako keupu teuma, nyang na adek lon meutamah brok. Meubaje sion hana kaganto ka peut thon meunikah ngon kah. Ijak bak kanuri ngon baje pesta meunikah jameun. Baje siuro-uro sep ngon baje partai. Beudak hana pernah ka blo, sah ngon teupong breuh leukat leubeh peuget boh rom-rom adek ke meubedak."

"Hai bang, ho ka ijak haba nyo? Man pakon ka trok bak tahap nyan haba? Weuh that ate kudeungo. Ban nyo irumoh nyan cit haba ikeun le si Saudah," iseuot lako Saudah ngon itubit ju ie mata jih. Ka imo lako Saudah. Su jih putoh-putoh seubab iteun weuh hate.

"Jadi paki, jadeh meulo?" lon tantang jih lom. Biasa ureung ka imo hana teuga le.

"Hana pu, bang. Kasep neupoh ngon haba. Man saboh kawom Saudah hana galak le keu lon," iseuot lako Saudah. Leuh ikeun haba nyan, jih ijak ju. Jaro jih meugo-go imat bak ming drojih. Langkah lako Saudah menuju kuala. Meunyo khilaf jih siat teuk, ilumpat lam kuala, ka jadeh janda adek sepupu lon. Tapi hana pu. Katrep igampong nyo hana kanuri. Meunyo na nyo, setidak jih kana tempat ta jep kupi pree. Beukeuh ilumpat.[]

(NSA-2015)